馬勒第五交響曲

馬勒第五交響曲

馬勒嘅第五交響曲系無特定主題嘅,佢自己喺1904年樂曲首演嗰陣時講個:”沒有人能理解這首作品”。 成首交響曲由唔同嘅音樂主題集合而成,東一磈,西一磈,簡單啲嚟講,就係九唔搭八囉。 不過,你真係估佢唔到,佢又亂中有序喎。

我好同意一啲樂評人嘅講法,佢哋話呢一首交響曲就好似一個青年人一樣,對未來充滿着夢想。 如果你細心啲聽下,就會感受到一個年青人,開始嘅時候好似好迷惘,好混亂,樣樣都去嘗試,可能有時會做錯,跌倒就再嚟過。 雖然旁邊嘅人無辦法理解佢,甚至嘲笑佢,鬧佢, 體死佢係注定永遠失敗嘅。點知去到後尾,佢竟然贏咗,成功左喎。

馬勒寫呢首交響曲嘅時候,係用咗三B之中兩B,Beethoven貝多芬同埋Brahms布拉姆斯成日用嘅交響曲進路,即係痛苦嘅開始,沉澱,奮發,最後贏咗。

呢首交響曲可以分為三個部份:
第一部份 – 第1同第2樂章
第二部份 – 第3樂章
第三部份 – 第4同第5樂章

其中最最最出名嘅就係第4樂章。 因為1971年嘅電影《魂斷威尼斯,Death in Venice)就係用咗呢個樂章做配樂。 另外,呢個樂章逆係馬勒送比馬勒太嘅禮物。 咁就梗係超級甜蜜,超級浪漫啦。

我最鍾意嘅版本,都係蘇堤同埋芝加哥交響樂團嘅版本。 我話晒都係佢哋嘅鐵粉呀嘛。 唔好講咁多,一齊嚟聽吓第四樂章啦。

有種責任叫Subscribe: http://www.instagram.com/music4kingdom#馬勒 #第五交響曲 #魂斷威尼斯

17 Views

Leave a Reply

Your email address will not be published. Required fields are marked *